Timor nia futuro...lahatene los ..misterio tebes maibe futuro depende mos husi agora sida mak ita halo saida mak ita prepara agora sei fo vantagem diak ba futuro . Nune'e mos ba Rai Timor futuro sei sai diak wainhira ita prepara didiak komesa agora.laiha dalan seluk ba ita atu hanoin rua ba rai doben ida ne'e , hanoin mak ida deit hamutuk nafatin maka ita sei forsa liutan.
Ita nudar ema Timor feto ka mane ,labarik ka katuas hotu iha direito hanesan ,koalia nafatin haklaken nafatin lia los no hamutuk fo hanoin ba ukun Nain sira nebe agora ukun dadaun atu prepara didiak Timor nia futuro ba Povo hotu nia diak hahu agora kedas hodi fo hanoin katak Rai ne'e laos ema ida rua ninian maibe Rai ne'e Povu Timor oan Tomak ninian la sura nia mai husi nebe nia gerasaun husi nebe, la iha mestizo ,laiha chinessa, lai Indiano, laiha Indonesio,laiha Europa,laiha Bunak,Kemak, Makasae,Mambae ka seluk seluk tan, Ita hotu mesak ida deit Sai husi Rai ida deit .
Uluk Ita luta hamutuk hodi narann ida deit Timor Loro'Sae halo mundo tomak fiar metin ba Ita katak ita bele duni atu hahu no kaer nasaun foun ida ne'e . uluk Ita hotu fo hanoin ba malun ,tulun malun hodi buka diak ba ita nia Rai Timor Loro-Sae. la-iha colorido laiha mutin ka metan laiha bandeira seluk tan mak uluk Ita lori Bandeira Unidade Nasional nebe lori duni ita ba hetan ita nia ukun rasik a'an nebe halo mundo tomak surpresa,hakfodak,i mos kontente katak ho ita nia unidadeita nia matenek ita lori duni Rai ne'e ba to'o final husi luta nebe naruk hasouro colonialismo nebe forsa no boot maibe ita sei la tauk tanba ita nunka fahe malun ita ida deit .
Maibe agora saida mak akontese ???rungu-rangga iha rai laran, hadau malun fatin, baku malun ,oho malun ,du'un matak ba malun no buat a'at seluk tan nebe nakonu ho odio no laran moras malun. Timor karik atu nakfera fali, derepente ita hare'e malun matan la mos , ita sai hanesan balada iha ailaran tuan, Moral laiha ona ,moe la-iah ona ,i dignidade mos lakon dadaun ona entaun saida mak ita sei fo ba ita oan no bei-oan sira ??Riku soin saida mak ita bele hatutan ba sira? terus nafatin??hamlaha nafatin?? Susar barak ona ita hasouru ona durante tempo naruk nia laran ita lakohi atu monu tan ba dalarua i ita lakohi atu lakon tan ita nia ema, ita sasan,ita rai oan ba dalarua i depois ita hotu sei lahetan duni ,La iha ema ida mos mak fiar tan ba ita ona ,ita sei sai nudar ataan ba ema seluk duni i ita sei ismola tinan ba tinan hodi fo han netik ita nia uma laran.
Doben,Timor oan tomak mai ita hamutuk fali hanesan uluk ita luta ba indepensia agora ita hamutuk nafatin i makas liutan hodi luta nafatini ba futuro Timor nia , Ukun a'an nia luta hotu ona agora oin nusa mak ita atu hamutuk fali hodi luta hasoru atu halo diak no desenvolve nasaun ida ne'e ba oin ho hanoin ida deit maske ita iha diferensia cultura,politik asosiasaun no seluk tan maibe prisinsipio ida deit tau nafatin naran Unidade Nasional iha leten as'ba ,iha ita ida-idak nia laran no hanoin katak buat hotu nebe ita halo la'os ba ita nia a'an deit ou ba ita nia familia deit maibe hanoin naruk katak buat hotu ba ema barak nia diak halo ho domin no responsabelidade ba nasaun ida ne'e nia futuro.Hanoin ba katak ita moris la'os ba ita nia a'an deit maibe ita mos presisa moris hamutuk ho ema seluk ,hanoin ba katak mundo laos Timor deit , i ita hotu presisa hatene no loke laran ,loke matan hodi hare'e mos ba Rai seluk nudar moris hamutuk iha mundo ida deit nebe agora sente be klot liu tan ho nia teknologia buat hotu fasil atu hetan.
No comments:
Post a Comment